Повеќето периферни уреди кои се моментално достапни на пазарот се поврзуваат со компјутерот преку USB порт. Денес постојат околу 14 уреди кои се поврзуваат преку USB, а обичните...
компјутери се опремени со 2, 4, 6 или максимум 8 USB порта. Taка да ако сакате да приклучите повеќе USB уреди ќе сватите дека на вашиот компјутер му фалат портови.
USB стандардот поддржува приклучување на 127 уреди во исто време. Недостатокот од портови може лесно да се реши со употреба на USB Hub кој се приклучува преку еден USB сокет и има можност за "отвори" дополнителни USB портови. На крајот од еден единствен USB порт можете да приклучите неколку USB Hub-a со меѓусебно сериско поврзување.
Постојат два типа на USB Hub-a кои моментално се достапни на пазарот. Едните се со сопствено напојување, а другите немаат напојување.
Оние кои немаат напојување генерално се употребуваат со уредите кои имаат свое сопствено напојување, како што се принтерите и скенерите, но исто така имаат можност за поврзување на неколку периферни уреди кои имаат потреба од слаб напон но немаат надворешно напојување и целиот потребен напон го земаат директно од матичната плоча. Вакви уреди се на пример USB глувчиња. Самиот Hub го пренесува потребниот напон директно од матичната плоча.
Како и да е, доколку сакате да поврзете неколку вакви уреди преку Hub треба да знаете дека напонот кој може да го даде матичната плоча преку овој порт е околу 5V со јачина на струја од 500MA. Ова може да не биде доволно за неколку уреди истовремено. Во ваков случај се препорачува USB Hup со сопствено напојување. Тие доаѓаат со сопствен адаптер и не земаат напојување од матичната плоча.
Некои тврдат дека USB Hub-от со тоа што го дели USB портот на некоку дополнителни порта ја намалува брзината на потенцијалнниот USB порт на матичната плоча. Ајде да видиме дали ова држи вода. USB 1.0 стандардот може да обезбеди максимален трансфер на податоци од 12 MB/S (мегабити во секунда), додека USB 2.0 стандардот има можност за максимален трансфер од 480 MB/S. Повеќето уреди имаат трансфер од 6 MB/S, што би значело дека на еден USB 2.0 порт може во исто време да се приклучат до 80 вакви USB уреди без никаква загуба. Доколку еден USB Hub има 10 порта, ова значи дека сериски би можело да се приклучат 8 вакви USB Hub-a, на еден единствен USB 2.0 порт.
